Ձեր հանգստի կադրերից պարզ է՝ լարված չեք, էլ չեք գերազանցի՞ լիազորությունները․ Մանուկյանը՝ Սիմոնյանին

Այսօր ԱԺ նիստին «Հայաստան» խմբակցության պատգամավոր Արեգնազ Մանուկյանը, դիմելով խորհրդարանի նախագահ Ալեն Սիմոնյանին, հիշեցրեց, որ նա նախորդ նիստերում գերազանցել է իր լիազորությունները։

Մանուկյանը հույս հայտնեց, որ Ալեն Սիմոնյանի լարվածությունն անցել է, ու նա այլևս չի գերազանցի իր լիազորությունները։

«Ձեր լարվածությունն անցել է, դա երևում է Հունաստանում Ձեր հանգստի կադրերից»,- ասաց Արեգնազ Մանուկյանը։

Պատգամավորը հիշեցրեց, որ Ալեն Սիմոնյանն ինքն էր ասում, թե շատ ծանր է տանում երկրում տիրող վիճակը, իսկ նրա հունաստանյան հանգիստն այլ բան է ցույց տալիս։