Ո՞վ կնշանակվի Անահիտ Ավանեսյանի հեռանալուց հետո թափուր մնացած պաշտոնին

MediaHub.am-ի տեղեկություններով` ՀՀ ՊՆ բուժվարչության սպա Արմեն Նազարյանն օրերս նշակվելու է առողջապահության փոխնախարար։ Նա համակարգելու է ոստիկանության ՊՆ-ի, ԱԻՆ-ի հետ կապված առողջապահության նախարարության հարաբերությունները։

MediaHub.am-ի հետ զրույցում Արմեն Նազարյանը նշեց, որ ինքը ՊՆ սպա է և կատարում է իր պարտականությունները, իսկ իր նշանակման մասին տեղեկություն չունի։

Մեր ճշտող հարցին՝ փոխնախարար նշանակվելու առաջարկ ստացե՞լ է, Նազարյանը չպատասխանեց, որ չի ցանկանում որևէ այլ հարցի պատասխանել։

Նշենք, որ այս պահին առողջապահության նախարարությունում փոխնախարարի 2 ազատ հաստիք կա։ Արտյոմ Սմբատյանի փոխարեն, մեր տեղեկություններով, փոխնախարար է նշանակվելու «Սուրբ Գրիգոր Լուսավորիչ» բժշկական կենտրոնի պոլիկլինիկայի տնօրեն Արտակ Ջումայանը։ Փոխնախարարի մյուս հաստիքը թափուր էր Անահիտ Ավանեսյանի՝ նախարար նշանակվելուց հետո, երբ վերջինս ազատվեց այդ պաշտոնից։

Արմինե Նավոյան