ՀՀ-ին սպառնացող արտաքին մարտահրավերներին «խիստ պատահականորեն» հաջորդում են ներքին խնդիրներ. փաստաբան

Sep 14, 2021
1 min read

Փաստաբան Վահան Հովհաննիսյանն իր ֆեյսբուքյան էջում գրել է.

«Հայաստանին սպառնացող արտաքին բոլոր մարտահրավերներին «խիստ պատահականորեն» նախորդում կամ հաջորդում են ներքին իրադարձություններ, որոնք ստվերելով արտաքին գործոնը, հանրության ուշադրությունը սևեռում են ներքին խնդիրների վրա։ Օրինակ՝ վարչապետը հայտարարեց սեպտեմբեր 21-յան գունագեղ շոուի մասին և բոլորը միահամուռ սկսեցին քննարկել այն։ Նույն ժամանակ ադրբեջանցիք ոստիկանական ուղեկալ դրեցին Գորիս-Կապան ճանապարհին։ Թեպետ վերջին իրադարձությունը իր կարևորությամբ 100 անգամ ավելի կարևոր էր քան շոուն, այնուհանդերձ հանրության ուշադրությունը տոնակատարությունն է։

Ժողովուրդ ջան մեկ անգամ ևս խնդրում եմ, մի հետևեք նման կեղծ օրակարգերի, մի շեղվեք հիմնական թեմաներից։ Իշխանության ուշքն ու միտքը Ձեզ ամեն գնով կարևոր խնդիրներից կտրելն է (սեպտեմբերյան տոնակատարություններ և այլն ) պարզապես շան տեղ մի դրեք այդ ամենը, անտարբեր գտնվեք և դրանով լավագույն հարվածը կհասցնեք սրանց»։