Այսօրվանից չեմ կատարում ՀՀ ֆինանսների նախարարի մամուլի քարտուղարի պարտականությունները. Վարդանյան

Ֆինանսների նախարարության մամուլի քարտուղար Աննա Վարդանյանն իր ֆեյսբուքյան էջում գրել է.

«Հարգելի գործընկերներ, այսօրվանից չեմ կատարում ՀՀ ֆինանսների նախարարի մամուլի քարտուղարի պարտականությունները:

Առանձնահատուկ շնորհակալություն եմ հայտնում լրագրող գործընկերներիս՝ միասին արդյունավետ համագործակցության համար:

Ուզում եմ նաև շնորհակալություն հայտնել Ֆինանսների նախկին նախարարներ Վարդան Արամյանին ու Ատոմ Ջանջուղազյանին ինձ վստահելու և պրոֆեսիոնալ փոխգործակցության համար: Նրանց հետ աշխատելը մեծ պատիվ էր ու կարևոր փորձառություն:

Շնորհակալ եմ նաև ֆինանսների նախարարության պրոֆեսիոնալ թիմին՝ իմ և լրագրող գործընկերներիս բոլոր հարցադրումներին համբերատար դիմակայելու համար»։