ԲՀԿ-ական նախկին պատգամավորը՝ «Պատիվ ունեմ» դաշինքի ցուցակում. «Ժողովուրդ»

«Ժողովուրդ» օրաթերթի տեղեկությունների համաձայն՝ «Պատիվ ունեմ» դաշինքում է լինելու նաեւ նախկին ԲՀԿ-ական պատգամավոր Մարտուն Գրիգորյանը:

Գյումրեցի Մարտուն Գրիգորյանին նախընտրական ցուցակ ներառելը առաջարկվել է ՀՀԿ-ի կողմից՝ վստահ լինելով, որ վերջինս կարող է դաշինքին Գյումրուց ձայներ բերել:

Տարիներ առաջ, երբ Գրիգորյանը առաջադրվում էր ԲՀԿ ռեյտինգային ընտրակարգով, մշտապես ձայների մեծամասնությունը բաժին էր հասնում նրան, քանի որ նա Շիրակի մարզում կարողանում էր ձայներ հավաքել իր շրջապատի միջոցով:

Գրիգորյանը մշտապես պայքարի մեջ է եղել Գյումրիի քաղաքապետ Վարդան Ղուլասյանի հետ, բայց այս խորհրդարանում Գրիգորյանը չկա:

Հիմա որոշում կա նորից պայքարել պատգամավորական մանդատի համար, այս անգամ՝ ՀՀԿ-ի հետ: Երեկ՝ ողջ օրը, փորձեցինք տեղեկությունները ճշտել Գրիգորյանից, սակայն վերջինս ողջ օրվա ընթացքում մեր հեռախոսազանգերին չարձագանքեց: