Պրոֆեսոր Չարչյանի մոտ շաքարի մակարդակը կարգավորել չի հաջողվում. բժիշկ

Պրոֆեսոր Արմեն Չարչյանի առողջական վիճակը մտահոգիչ է։ Նրա մոտ դեռևս ճնշման տատանումներ կան, օրգանիզմում շաքարի մակարդակը չի կարգավորվում, կան նաև երիկամային խնդիրներ, իսկ սրտի շրջանում կան սեղմոցներ։ Այս մասին այսօր տեղեկացրել է Բժշկական համալսարանի դասախոս Ս. Սահակյանը։

«Նրա էլեկտրասրտագրում փոփոխություններ կան, մենք նոր ատամիկներ տեսանք, որոնք նոր փոփոխությունների նշան են. եթե այս գործընթացը շարունակվի, ստենդավորումը չափազանց դժվար է լինելու՝ ուղեկցող հիվանդությունների հետ կապված»,- ասել է նա: