«Դավինչի» տուրիստական գործակալության տնօրենը գտնվում է կալանքի տակ. փաստաբան

Փաստաբան Րաֆֆի Ասլանյանն իր ֆեյսբուքյան էջում գրել է.

««Դավինչի» տուրիստական գործակալության հանցավոր գործունեությունից տուժողներին տեղեկացնում եմ, որ իմ լռությունը քրեական գործի ընթացքի հետ որևէ կապ չունի, պարզապես դեռ ասելու նորություն չկա։ Քրեական գործով ընթանում է նախաքննություն, կազմակերպության տնօրենը գտնվում է կալանքի տակ (նրան ազատ արձակելու մասին տեղեկություններն իրականությանը չեն համապատասխանում), աշխատակիցների արարքներին քննության արդյունքներով անպայման կտրվեն քրեաիրավական գնահատականներ։ Կարծում եմ, որ առաջիկա օրերին տուժողների սպառիչ քանակը և պատճառված վնասի ընդհանուր չափը, հատուցման հնարավոր հանգամանքները քննությամբ կպարզվեն»։