Ճիշտ կլինի փակել բողոքի հասցեատերերի, այլ ոչ թե այլ մարդկանց ճանապարհները. Ղազարյան

ՍԴ աշխատակազմի նախկին ղեկավար Էդգար Ղազարյանն իր ֆեյսբուքյան էջում գրել է.

«Կարծում եմ բողոքն արտահայտելու համար ճիշտ կլինի փակել բողոքի հասցեատերերի, այլ ոչ թե այլ մարդկանց ճանապարհները: Հիմա Արմավիրի մարզում մարդիկ բողոքում են ոռոգման ջուր չունենալու խնդրի հետ կապված, բայց, փոխարենը փակեն Նիկոլ Փաշինյանի, Սուրեն Պապիկյանի և Արմավիրի մարզպետի ճանապարհները, ավելորդ անհարմարություններ են ստեղծում իրենց խնդրների հետ որեւէ առնչություն չունեցող մարդկանց համար:

Հաշվի առնելով, որ «ԱՊԱԳԱ ԿԱ»-ում նման խնդիրներ շատ են լինելու, առաջարկում եմ բոլոր քաղաքացիներին ապագա իրենց ակցիաների կազմակերպման ժամանակ քննարկել այս գաղափարը»: