Եգիպտոսում բուրգերի ժամանակներից պահպանված հարյուրավոր անհայտ դամբարաններ են գտել. «News.am»

Եգիպտոսի հնությունների նախարարության հնագիտական առաքելությունը հայտնաբերել է ավելի քան 200 ժայռափոր դամբարաններ, որոնք պահպանվել են բուրգերի ժամանակներից: Այս մասին հայտնում է Planet-today-ը` հղում անելով Ahram Online-ին:

Գիտնականները հնավայրի պլանային ուսումնասիրություն են կատարել եւ հայտնաբերել են լեռան լանջին փորված ավելի քան երկու հարյուր դամբարան: Բացահայտումն արվել է Եգիպտոսի հարավում՝ Ալ-Համիդիա դամբարանադաշտում, Նեղոսի արեւմտյան ափի հատվածում: Ըստ Եգիպտոսի հնությունների գերագույն խորհրդի ղեկավար Մուստաֆա Վազիրի՝ դամբարանները կառուցվել են ավելի քան 2300 տարի: Հայտնաբերված ամենավաղ դամբարանները ստեղծվել են Հին թագավորության ժամանակաշրջանում, որը հայտնի է որպես բուրգերի կառուցման ժամանակաշրջան:

Ժայռի ամենանոր դամբարանները թվագրվում են Պտղոմեոսյան դինաստիայի վերջին շրջանին, այսինքն՝ ստեղծվել են արդեն հելլենիստական-հռոմեական ժամանակաշրջանում: Բաց գերեզմանների տարիքը տատանվում է 2-ից 4,3 հազար տարի. թվագրումն իրականացվել է ինչպես ճարտարապետությամբ, այնպես էլ ներսում հայտնաբերված հնածոներով:

«Որոշ դամբարաններ իրենցից ընդամենը թաղման խցիկներ են ներկայացնում: Մյուսներն ունեն ներքեւ իջնող թաղման հորեր: Կան դամբարաններ, որտեղ հնարավոր է մուտք գործել միայն թեք միջանցքով»,- ասում են եգիպտացի հնագետները՝ հավելելով, որ անսպասելիորեն հայտնաբերված դամբարանադաշտում, ամենայն հավանականությամբ, թաղված են եղել մոտակա վարչական կենտրոն Ահմիմի էլիտայի ներկայացուցիչները: