Եգիպտոսը սկսում է գումար գանձել տուրիստական վիզաների համար. «News.am»

May 21, 2021
1 min read

Եգիպտոսի հայտնի Հուրգադա եւ Շարմ էլ-Շեյխ հանգստավայրեր ժամանող զբոսաշրջիկներն այժմ ստիպված են վճարել վիզայի համար, հայտնում է «Տուրպրոմ»-ը:

Երկրում ավարտվել է օտարերկրյա հյուրերին անվճար վիզաների տրամադրման պրոմո շրջանը. այժմ յուրաքանչյուր հանգստացող դրա համար պետք է 25 դոլար վճարի:

2020 թվականի պահանջարկը խթանելու համար Եգիպտոսի կառավարությունը հավանություն էր տվել Կարմիր ծովի հանգստավայրեր ժամանող զբոսաշրջիկներին համավարակի ընթացքում մուտքի արտոնագրի վճարներից ազատելու առաջարկին: Ակցիան գործում էր 2020 թվականի նոյեմբերի 1-ից 2021 թվականի ապրիլի 30-ը:

Տուրիստական գործակալությունները Եգիպտոսի կառավարությանը կոչ են արել արտոնյալ ժամանակահատվածը երկարացնել մինչ հաջորդ ձմեռային տուրիստական սեզոնի սկիզբը, որը սովորաբար սկսվում է նոյեմբերի 1-ից: Այս միջոցը կօգնի աջակցել սահմանափակումներից տուժած ալարտին: Բայց երկիր մուտք գործելու համար վճարը, այնուամենայնիվ, ներդրվել է:

Վիզա ստանալու համար ճանապարհորդները պետք է անձնագիր ներկայացնեն, որն ուժի մեջ կլինի այցից հետո առնվազն վեց ամիս, եւ տուրիստական վաուչեր: