Մեր քաղաքական վերնախավը` Թուրքիայի իշխանությունը, մտածում է հարաբերության կարգավորման մասին․ Փայլան

Գարո Փայլանը հարցազրույց է տվել «Ազատության» «Կիրակնօրյա վերլուծական Հրայր Թամրազյանի հետ» հաղորդմանը և խոսել է Հայաստանի և Թուրքիայի հարաբերությունների կարգավորման մասին։

«Ես հավատում եմ, որ մեր քաղաքական վերնախավը` Թուրքիայի իշխանությունները մտածում են հարաբերությունները կարգավորելու մասին, որովհետև դրա համար կա երկու պատճառ։ Առաջինը` Ռեջեփ Թայիփ Էրդողանին պետք է ասել արևմտյան երկրներին, որ նա դեռ առաջնորդ է, ով մտածում է խաղաղության մասին։ Երկրորդ պատճառը հետևյալն է` նա մտածում է միջին ասիական երկրների հետ տնտեսական հարաբերություններ զարգացնելու և դեպի Ադրբեջան ու այլ երկրներ ճանապարհներ կառուցելու մասին։ Դրա համար նրան անհրաժեշտ է Հայաստանի հետ հարաբերությունների կարգավորում»,-Ասել է պատգամավորը։