Գերմանիայում մտադիր են արգելել ՀԱՄԱՍ-ի դրոշի օգտագործումը

May 29, 2021
1 min read

Գերմանիայի կառավարական կոալիցիայի կուսակցությունները մտադիր են հանդես գալ նախաձեռնությամբ՝ երկրում ՀԱՄԱՍ-ի դրոշն արգելելու մասին, դա փաստարկելով նրանով, որ ԵՄ-ում ՀԱՄԱՍ-ը ճանաչված է ահաբեկչական կազմակերպություն, գրում է DW-ն։

Բունդեսթագում սոցիալ-դեմոկրատների խմբակցության իրավական քաղաքականության հարցերի գծով փորձագետ Յոհաննես Ֆեհների խոսքով՝ այդ արգելքը նախատեսվում է մտցնել հունիսին։

«Մենք այդ հարցը քննարկում ենք Քրիստոնեա-դեմոկրատական միության հետ, որոշումը կարող է ընդունվել արդեն հունիսի սկզբին»,- նշել է Ֆեհները։

Գերմանիայի սոցիալ-դեմոկրատական կուսակցությունը (ԳՍԴԿ), ըստ Ֆեհների, ներկայում ուսումնասիրում է, թե արդյոք կարելի է քրեական օրենսգրքի 86 «ա» հոդվածն ընդլայնել այնպես, որ այն արգելի ոչ միայն հակասահմանադրական, այլ նաեւ ահաբեկչական կազմակերպությունների խորհրդանշանների օգտագործումը։