ՀԱՄԱՍ-ը պաղեստինցիներին «ցասումի օրվա» կոչ Է արել
- Jun 1, 2021
- 1 min read
Գազայի հատվածում կառավարող ՀԱՄԱՍ շարժումը պաղեստինցիներին կոչ Է արել «ցասումի օր» անցկացնել Հորդանան գետի Արևմտյան ափի օկուպացման դեմ: Այդ մասին հաղորդել Է ՌԻԱ Նովոստին՝ վկայակոչելով շարժման համապատասխան հայտարարությունը: «Ցասման օրը» պաղեստինյան տարածքներում կանցկացվեն զանգվածային հանրահավաքներ և բողոքներ՝ Իսրայելի կողմից անցկացվող քաղաքականության դեմ:
«Նորաբնակների հարձակումները Արևմտյան ափի մեր քաղաքների ու գյուղերի վրա, ինչպես նաև հարձակումները Ալ-Աքսա մզկիթի վրա մեր ժողովուրդը կդիմավորի Էլ ավելի մեծ դիմադրությամբ եւ առճակատմամբ»,-ասվում Է ՀԱՄԱՍ-ի հայտարարության մեջ: Լրատվական գործակալությունը նշում Է, որ ՀԱՄԱՍ-ի կոչը հնչել Է Իսրայելի և ՀԱՄԱՍ-ի միջև երկարաժամկետ հրադադարի պայմանների շուրջ Եգիպտոսի միջնորդությամբ շարունակվող բանակցությունների ֆոնին:
Իսրայելի և Գազայի հատվածի միջև հակամարտությունը սրվել Է մայիսի 10-ի երեկոյան: Իսրայելի զինվորականների խոսքով՝ այդ ժամանակվանից Գազայի հատվածի կողմից արձակվել Է ավելի քան 4 հազար հրթիռ: Ի պատասխան հարյուրավոր հարվածներ են հասցվել ՀԱՄԱՍ-ի օբյեկտներին: Գնդակոծությունների հետևանքով զոհվել Է Իսրայելի 10-ից ավելի քաղաքացի, ավելի քան 50 հոգի լուրջ վերքեր են ստացել:
Պաղեստինում հաղորդում են ավելի քան 200 զոհվածների մասին:
댓글