Search
ՀԱՊԿ գլխավոր քարտուղարն անընդունելի է համարել հայ-ադրբեջանական սահմանին ուժի կիրառումը
- Jul 29, 2021
- 1 min read
ՀԱՊԿ-ի պաշտոնական կայքը հրապարակել է կազմակերպության գլխավոր քարտուղար Ստանիսլավ Զասի հայտարարությունը հայ-ադրբեջանական սահմանին տիրող իրավիճակի մասին:
Հայտարարության մեջ նշվում է.
«2021 թվականի լույս հուլիսի 28-ի գիշերը Հայաստանի և Ադրբեջանի սահմանին տեղի են ունեցել ռազմական բախումներ, որոնց հետևանքով հայկական զինված ուժերի երեք զինծառայող զոհվել է, չորսը` վիրավորվել: Խորին ցավակցություն եմ հայտնում զոհվածների ընտանիքներին և վիրավորներին մաղթում շուտափույթ ապաքինում: Անընդունելի ենք համարում ուժի կիրառումը: Հակասությունները լուծելու համար պետք է օգտագործել միայն քաղաքական և դիվանագիտական մեթոդներ»:
ՀԱՊԿ-ը ողջունել է Ռուսաստանի Դաշնության ջանքերը՝ ուղղված տարածաշրջանում իրավիճակի կայունացմանը:
Comments