Ադրբեջանական կողմը խոշտանգում է հայ զինծառայողներին ու քաղաքացիներին՝ բաց դեմքերով․ ՄԻՊ

Գրեթե բոլոր տեսանյութերում ադրբեջանական զինծառայողները բաց դեմքերով են իրականացնում դաժանություններ հայկական կողմի զինծառայողների ու քաղաքացիական անձանց նկատմամբ, կտրում նրանց մարմինների մասերը, խոշտանգում ու գլխատում կենդանի մարդկանց: Այս մասին ֆեյսբուքյան էջում հայտնել է ՀՀ Մարդու իրավունքների պաշտպան Արման Թաթոյանը։

Թաթոյանի տեղեկացմամբ՝ Ադրբեջանական զինծառայողների պատերազմական հանցագործությունների, Մարդու իրավունքների պաշտպանի փաստահավաք աշխատանքների ու մարդու իրավունքների վիճակի մասին պատմող ռադիոհաղորդումը հեռարձակվել է Südwestrundfunk, Deutschlandfunk և Westdeutscher Rundfunk լրատվամիջոցներով: