Մոսկվայում հետաքննություն է սկսվել Ադրբեջանի դեսպանատան դիմաց պիկետ անող հայի վրա հարձակվելու փաստով

Ռուսաստանի հայերի միության ջանքերի շնորհիվ հետաքննություն է սկսվել Սարգսյան Աշոտի վրա հարձակում գործելու փաստով, ով Մոսկվայում Ադրբեջանի դեսպանության դիմաց պիկետ էր իրականացնում։

Հետաքննությունը սկսել է Ներքին գործերի նախարարության ոստիկանության Պրեսնենսկյան բաժնում։

Արա Աբրահամյանի հանձնարարականով այդ հարցով զբաղվում է միության իրավաբանական բաժինը։

Տվյալ պահին սահմանված է դատաբժշկական փորձաքննություն՝ Աշոտ Սարգսյանի առողջական վիճակի աստիճանը հասկանալու համար։