ՀՀԿ-«Հայրենիք» կուսակցությունների դաշինքը ընտրել է դաշինքի անունն ու առաջնորդին
- May 6, 2021
- 1 min read
ՀՀԿ-«Հայրենիք» կուսակցությունների դաշինքը հանդես կգա «Պատիվ ունեմ» անվամբ։ Այս մասին ArmDaily.am-ի հետ զրույցում ասաց «Հայրենիք» կուսակցության մամուլի խոսնակ Սոս Հակոբյանը։
Նա նաև տեղեկացրեց, որ դաշինքը կգլխավորի Արթուր Վանեցյանը։ Հարցին, թե որքանով են իրականությանն համապատասխանում տեղեկությունները, որ երկրորդ համարը ՀՀԿ-ից կլինի Տարոն Մարգարյանը՝ նա պատասխանեց, որ երկրորդ համարի վերաբերյալ դեռ հստակ որոշում չկա։
«Դեռ ֆիքսված սկզբունք չկա նաև համամասնության առումով, բայց ես չեմ բացառում, որ, այո, երկրորդ համարը կլինի ՀՀԿ-ից։ Թե ով՝ դեռ հստակ չէ։ Ամեն դեպքում՝ այս պահին, դեռ միանշանակ որևէ պնդում չեմ կարող անել»։
Ինչ վերաբերում է կարգախոսին, նախընտրական շտաբի պետի ընտրությանը՝ նա տեղեկացրեց, որ դրանք դեռ քննարկման ընթացքում են։
Ինչ վերաբերում է Սերժ Սարգսյանին՝ Հակոբյանն հիշեցրեց, որ երրորդ նախագահը նշել էր, որ ինքը չի հավակնելու որևէ պետական պաշտոնի, հետևաբար, տրամաբանական է, որ նրան չենք տեսնի ցուցակում։
Նյութի աղբյուրը՝ ArmDaily
תגובות