Գավառ քաղաքի տներից մեկում հրդեհ է բռնկվել

Գեղարքունիքի մարզային ճգնաժամային կառավարման կենտրոնը դեկտեմբերի 12-ին, ժամը 15:09-ին ահազանգ է ստացել, որ հրդեհ է բռնկվել Գավառ քաղաքի Հացառատ թաղամասի առանձնատներից մեկում․ ներսում քաղաքացի կա։ 

Ինչպես տեղեկացնում է ՀՀ արտակարգ իրավիճակների նախարարությունը, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։

Ըստ աղբյուրի՝ հրդեհը մեկուսացվել է ժամը 15:54-ին, մարվել՝  16:50-ին: 

Նշվում է, որ փրկարարները ննջասենյակում հայտնաբերել են Վ․ Ա․-ի (ծնված 1978 թ․) դին: Այրվել են ննջասենյակի հատակը (մոտ 8 քմ) և գույք։