Իրանի ԱԳ նախարարի հետ վերահաստատել ենք, որ չկա Զանգեզուրի միջանցքի թեմա․ Միրզոյան

ԱԺ «Քաղաքացիական պայմանագիր» խմբակցության պատգամավոր Մարիա Կարապետյանն այսօր ԱԺ-կառավարություն հարցուպատասխանի ընթացքում ԱԳ նախարար Արարատ Միրզոյանին հարցրեց, թե ինչ արդյունք ունի իր՝ Իրանի Իսլամական Հանրապետություն կատարած այցը։

Ի պատասխան՝ Միրզոյանն ասաց, որ Իրանի ԱԳ նախարարի հետ լավ, ջերմ հարաբերություններ են ձևավորվել և նշեց, որ լուրջ ծրագրեր են քննարկվել։

«Այցը վերաբերել է ոչ միայն երկկողմ հարաբերություններին, այլ նաև տարածաշրջանին»,- ասաց նա, ապա ողջունեց ԻԻՀ դիրքորոշումը ՀՀ սահմանների անձեռնմխելիության վերաբերյալ։

Նա նկատեց՝ կողմերը փաստել են, որ չկա Զանգեզուրի միջանցքի թեմա։