Սևանա լիճ է բաց թողնվել իշխանի 17 հազար հատ մանրաձուկ
- Jun 23, 2021
- 1 min read
Կարճաղբյուր գետի գետաբերանից Սևանա լիճ է բաց թողնվել «Սևանի իշխան» ՓԲԸ Կարճաղբյուրի ձկնաբուծարանում աճեցված Սեւանի իշխանի «գեղարքունի» տեսակի 17 հազար հատ մանրաձուկ՝ 9,8 գրամ քաշով։
Ինչպես տեղեկացնում են Գեղարքունիքի մարզպետարանի գյուղատնտեսության և բնապահպանության վարչությունից, մանրաձուկը բաց է թողնվել ՀՀ շրջակա միջավայրի նախարարության, «Սևան ազգային պարկ» ՊՈԱԿ, «Սևանի իշխան» ՓԲԸ, հասարակական կազմակերպությունների ներկայացուցիչների մասնակցությամբ։
Մինչև տարեվերջ նախատեսվում է Սևանա լիճ բաց թողնել «գեղարքունի» տեսակի ևս 60-75 հազար մանրաձուկ։ «Նախատեսված է այս տարվա ընթացքում Սևանա լիճ բաց թողնել Սևանի իշխանի «գեղարքունի» տեսակի մոտ 92 հազար մանրաձուկ, որից 17 հազարն արդեն բաց ենք թողել»,- ընդգծեց «Սևանի իշխան» ՓԲԸ տնօրեն Տիգրան Վարդանյանը։
Yorumlar