Այս իշխանությունը խաղաղություն է ուզում՝ տղամարդավարի պայքարելու փոխարեն․ Արշակ Զաքարյան

«Այս հողի վրա էլ կարող է խաղաղություն լինել, ուղղակի՝ առանց հայերի»,- այսօր հրավիրված ասուլիսում ասաց կինոռեժիսոր Արշակ Զաքարյանը։

Նրա խոսքով՝ այս իշխանությունն ուզում է խաղաղ ապրել, այլ ոչ թե տղամարդավարի դժվարությանը դիմակայել ու արժանապատիվ ապրել։

«Մենք ասում էինք՝ խաղաղության հասնելու մի ճանապարհ կա՝ ուժ, հիմա թուրքն է մեզ պարտադրում իր օրակարգը»,- ասաց նա։

Ըստ Արշակ Զաքարյանի՝ մինչ թշնամին զինվում էր, Հայաստանում երկիր պահողի փոխարեն դաստիարականում էին տարբեր երևույթները պաշտպանողներ։