Իշխանության համար դժվար է լինելու որևէ խնդրահարույց նախագիծ անաղմուկ «սղղացնելը». «Հրապարակ»

Aug 24, 2021
1 min read

«Հրապարակ» օրաթերթը գրում է.

«ԱԺ մշտական հանձնաժողովները սեպտեմբերի 6-ից պետք է սկսեն աշխատել, սակայն դեռևս վերջնականապես չեն ձևավորվել։ Բանն այն է, որ այսօրվա խորհրդարանական ընդդիմությունը և՛ մասնագիտական որակներով է աչքի ընկնում, և՛ կամային, ուստի իշխանության համար դժվար կլինի որևէ խնդրահարույց նախագիծ անաղմուկ «սղղացնելը», ինչպես արվում էր նախկինում։ Դրանից բացի, հարկավոր է ֆրոնտ ուղարկել համարժեք զինվորների, որոնք ընդդիմադիրների հետ կկարողանան կռվել։

Հանձնաժողովների փոխնախագահների հարցում էլ դեռ հստակություն չկա՝ մտադիր են տնտեսականի փոխնախագահ առաջադրել Բաբկեն Թունյանին, մարդու իրավունքների հանձնաժողովում՝ Ռուստամ Բաքոյանին, ում ՔՊ-ն նախապես ընտրել էր նախագահի պաշտոնում, սակայն այն բաժին հասավ ՊՈՒ-ին»։

Մանրամասն՝ թերթի այսօրվա համարում։