2020-ի տվյալներով՝ կառավարության պարտք/ՀՆԱ ցուցանիշը կազմել է 63,5 %. նախարար

Այսօր կառավարություն նիստին փոխվարչապետ Սուրեն Պապիկյանը հայտարարեց, որ օգոստոսի 31-ին «Մուդիս» միջազգային հեղինակավոր կազմակերպությունը հրապարակել է հերթական զեկույցը, որով Հայաստանին տրված վարկանիշը թողել է նույնը։ Ըստ նրա՝ ընթացիկ վարկանիշը BA3 է, իսկ հեռանկարը՝ կայուն։

Ֆինանսների նախարար Տիգրան Խաչատրյանը հայտնեց, որ «Մուդիս»-ի այս գնահատմամբ արձանագրվում են կորոնավիրուսի և պատերազմի ռիսկերի նկատմամբ Հայաստանի դիմակայությունը և ընդգծում է, որ Հայաստանի կառավարության տնտեսական քաղաքականությունն արդյունավետ է այդ տեսանկյունից։

Նախարարի խոսքով՝ հրապարակման մեջ կարևոր տեղ են զբաղեցնում պետական պարտքի կառավարմանը վերաբերող հարցերը․ «Չնայած 2020թ-ի տվյալներով կառավարության պարտք/ՀՆԱ ցուցանիշը աճել է և կազմել 63,5 %, «Մուդիս»-ն այս զեկույցով ընդգծում է, որ կարևորում է առաջիկա 5 տարիների ընթացքում հիշյալ ցուցանիշը 60%-ից նվազեցնելու վերաբերյալ Հայաստանի կառավարության քաղաքականությունը»։