Լավ, որ եկամտահարկի վերադարձը հանում եք, գոնե տեղը մի բան դրեք․ կառուցապատող

Աշխարհի զարգացած երկրներում բոլորի «ուշքն ու միտքը» բնակարանաշինությունն է, քանի որ դա բոլորի կողմից ընդունված, ֆինանսապես ձեռնտու բան է՝ հատկապես եկամտահարկի վերադարձի պայմանում։ Այդ մասին այսօր հրավիրած մամուլի ասուլիսին ասաց «Կառուցապատողների հայկական ասոցիացիա» ՀԿ հիմնադիր և խորհրդի անդամ Վահե Պետրոսյանը՝ անդրադառնալով եկամտահարկի վերադարձի ծրագրի դադարեցմանը։ «Իսկ Հայաստանն ուզում է այդ գործիքը հանել։ Մենք էլ ասում ենք՝ լավ, որ հանում եք, գոնե տեղը մի բան դրեք, նոր սա հանեք»,- նկատեց նա։ Նշենք, որ կառավարության որոշմամբ՝ աստիճանաբար սահմանափակվելու է եկամտահարկի վերադարձի արտոնությունը Երևանի կենտրոնում և հարակից հատվածում։