Շիրակում երկու հովիվ են կայծակնահարվել

Երեկ՝ հուլիսի 3-ին, ժամը 18:00-ի սահմաններում տարբեր վնասվածքներով և այրվածքներով «Գյումրի բժշկական կենտրոն» են տեղափոխել երկու հովիվ, ովքեր կայծակնահարվել են բաց տարածքում:

45-ամյա տղամարդն ալիքային վնասվածքներից բացի նաև այրվածքներ է ստացել և գտնվում է վերակենդանացման բաժանմունքում։

Մյուս հովիվը՝ ծնված 1963 թվականին, քթի կոտրվածք է ստացել. նա հետազոտվել է և բուժօգնությունից հետո դուրս է գրվել հիվանդանոցից։

Փաստի առթիվ Հայաստանի քննչական կոմիտեի Շիրակի մարզային քննչական վարչությունում նյութեր են նախապատրաստվում: