Search
Վարդենիսի Կութ համայնքում փոխրաձգություն է տեղի ունեցել
- Aug 27, 2021
- 1 min read
Վարդենիսի Կութ համայնքում րոպեներ առաջ փոխհրաձգություն է տեղի ունեցել։ Այդ մասին MediaHub-ին տեղեկացրեց Գեղարքունիքի նախկին մարզպետ, ԱԺ Քաղաքացիական պայմանագիր խմբակցության պատգամավոր Նարեկ Գրիգորյանը։ Նրա փոխանցմամբ` այս պահին կրակոցները դադարել են, բայց ինչ-որ բան, այնուամենայնիվ, տեղի է ունեցել։
-Ես այս պահին գնում եմ Կութ, հավելյալ տեղեկություն վաղը կփոխանցենք,- ասաց Գրիգորյանը։
Նշենք, որ համացանցում լուրեր էին պտտվում, որ Կութում թշնամին սադրանք է հրահրել, որի հետևանքով փոխհրաձգություն է սկսվել։
MediaHub-ը փորձեց կապ հաստատել նաև Կութ համայնքի ղեկավարի՝ Սիմա Չիտչյանի և Գեղարքունիքի մարզպետի պաշտոնակատար Նարեկ Մանուկյանի հետ, սակայն վերջիններս չպատասխանեցին մեր հեռախոսազանգերին։
Comments