Մասիս համայնքի բոլոր մանկապարտեզները ժամանակավորապես փակվել են․ Դավիթ Համբարձումյան

MediaHub.am-ը տեղեկություն էր ստացել, որ երեկվանից Արարատի մարզի Մասիս համայնքի որոշ մանկապարտեզների աշխատակիցներ երեխաների ծնողներին տեղեկացրել են, որ երեխաներին այսօրվանից մանկապարտեզ չտանեն, քանի որ ժամանակավորապես փակվում են։ MediaHub.am-ի հետ զրույցում Մասիսի համայնքապետ Դավիթ Համբարձումյանը հայտնեց, որ երեկ որոշում է կայացրել համայնքին պատկանող բոլոր մանկապարտեզները փակել՝ պայմանավորված համաճարակային իրավիճակով։ «Ավելի քան 20 մանկապատեզ ունենք, բոլորը այսօրվանից չեն գործում՝ երեխաների շրջանում տարածված հիվանդություններով պայմանավորված։ Թե որքան ժամանակ փակ կմնան մանկապարտեզները, ցույց կտա ժամանակը, հիմա ոչինչ չեմ կարող ասել»։ Նա նշեց, որ դպրոցների մասով որևէ որոշում չկա, քանի որ դրանք իրենց ենթակայության տակ չեն և վերահսկվում է ԿԳՄՍՆ-ի կողմից։ Արմինե Նավոյան