Մեկնարկել է ՀՀ մարդու իրավունքների պաշտպան Արման Թաթոյանի այցն Իտալիա

Մեկնարկել է ՀՀ մարդու իրավունքների պաշտպան Արման Թաթոյանի այցը Իտալիա Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի գլխավորած պատվիրակության կազմում:

Նախատեսված են Արման Թաթոյանի մասնակցությունը մի շարք հանդիպումների, այդ թվում՝ Հռոմի Սրբազան Քահանայապետ Ֆրանցիսկոս Պապի հետ, ինչպես նաև «Մարդիկ որպես եղբայրներ և երկրի ապագան․ կրոններն ու մշակույթները երկխոսության մեջ» խորագրով բարձրաստիճան համաժողովին:

Այցի ընթացքում տեղի կունենան նաև ՀՀ մարդու իրավունքների պաշտպանի մասնակցությամբ քննարկումներ Իտալիայի խորհրդարանում, ինչպես նաև մի շարք միջազգային լրատվամիջոցների ներկայացուցիչների հետ: