ՆԱՏՕ-ի գլխավոր քարտուղարը հայտարարել է, որ Ռուսաստանը պետք է դուրս բերի զորքերը երեք երկրներից

ՆԱՏՕ-ի գլխավոր քարտուղար Յենս Ստոլտենբերգի հայտարարությամբ՝ Ռուսաստանը պետք է զորքերը դուրս բերի Ուկրաինայից, Վրաստանից և Մոլդովայից:

«Ռուսաստանի հետ բանակցությունների ֆոնին և դեէսկալացիայի ակնկալիքով ՆԱՏՕ-ն ուժեղացնում է իր ներկայությունը, այդ թվում՝ Բալթյան և Սև ծովերի տարածաշրջաններում», - Բրյուսելում կայացած մամուլի ասուլիսում ասել է ՆԱՏՕ-ի գլխավոր քարտուղար Յենս Ստոլտենբերգը։

«Մենք կոչ ենք անում Ռուսաստանին անհապաղ դեէսկալացնել իրավիճակը: ՆԱՏՕ-ն վստահ է, որ տարաձայնությունները և լարվածությունը պետք է լուծվեն քաղաքական ճանապարհով, այլ ոչ թե ուժի կամ ուժի սպառնալիքի միջոցով», - ասել է նա:

Նա նաև ընդգծել է, որ ՆԱՏՕ-ն կարծում է, որ Ռուսաստանը, որպես դեէսկալացիայի մաս, «պետք է դուրս բերի իր զորքերը Վրաստանից, Ուկրաինայից և Մոլդովայից»։