Ընդդիմությունն առաջիկա նստաշրջանում նոր մարտի է պատրաստվում․ «Հրապարակ»

«Հրապարակ» օրաթերթը գրում է․

«ԱԺ ընդդիմությունն առաջիկա նստաշրջանում նոր մարտի է պատրաստվում։ Չորեքշաբթի օրն ԱԺ է գալիս կառավարությունը՝ վարչապետի գլխավորությամբ․ ըստ ԱԺ կանոնակարգ-օրենքի՝ յուրաքանչյուր չորեքշաբթի կառավարության հետ ԱԺ հարցուպատասխանի օր է։

«Հայաստան» դաշինքը պատրաստվում է «հիշվող» դարձնել բոլոր չորեքշաբթիները և կառավարության անդամների տգիտությունն ու ոչ կոմպետենտությունն ի ցույց դնել, նաև քայքայել նրանց նյարդերը։ Թե ինչպես են դա անելու, առայժմ գաղտնի են պահում։

Ի դեպ, ԱԺ-ն դեռևս բուռն վերանորոգումների մեջ է․ «Պատիվ ունեմ» խմբակցության հարկաբաժինն է ամբողջությամբ վերանորոգման կանգնած, «Հայաստան» դաշինքի որոշ անդամների աշխատասենյակներում են կոսմետիկ շտկումներ անում։ Ընդդիմադիր պատգամավորները թեև ստացել են աշխատասենյակներ, սակայն դրանցից որոշները լուրջ նորոգման կարիք ունեն։ Գույքի ընդունում-հանձնում էլ դեռևս տեղի չի ունեցել»։

Մանրամասն՝ այսօրվա համարում։