Այո՛, Հայաստանում ներքաղաքական ճգնաժամը հաղթահարվել է․ Նիկոլ Փաշինյան

Ընդդիմադիրները գրոհի նպատակը պետք է իրենց մտքերից հանեն, սա տեսանելի և հստակ իրողություն է։ Այդ մասին այսօր խորհրդարանում ասաց ՀՀ վարչապետ Նիկոլ Փաշինյանը։ Նրա խոսքով՝ փորձ է արվում վիճարկել՝ արդյոք հաղթահարվե՞լ է ընտրությունների արդյունքներով ներքաղաքական ճգնաժամը։ «Այո՛, ընտրությունների արդյունքում ներքաղաքական ճգնաժամը հաղթահարվել է»,- ասաց Փաշինյանը՝ հավելելով, որ այն մարդիկ, որոնք փորձում են ցույց տալ, թե, իբր, ներքաղաքական ճգնաժամը չի հաղթահարվել, փորձում են հրահրել ճգնաժամ։