Նիկոլ Փաշինյանը հանդիպել է ԲՀԿ առաջնորդ Գագիկ Ծառուկյանին

Մի շարք քաղաքական ուժերի ղեկավարների հետ անցկացվող խորհրդակցությունների շրջանակում վարչապետի պաշտոնակատար Նիկոլ Փաշինյանը հանդիպել է «Բարգավաճ Հայաստան» կուսակցության առաջնորդ Գագիկ Ծառուկյանին:

Նիկոլ Փաշինյանի խոսքով «Բարգավաճ Հայաստան» կուսակցությունը երկար տարիներ շատ շոշափելի դերակատարում ունի Հայաստանի Հանրապետության քաղաքական կյանքում: Այս ընտրությունների արդյունքում նա չի հաղթահարել խորհրդարան անցնելու համար անհարժեշտ շեմը, սակայն կուսակցությունը շարունակում է մնալ ազդեցիկ ուժ Հայաստանի ներքաղաքական կյանքում:

ԲՀԿ առաջնորդն իր հերթին հայտնեց, որ մանդատով չէ ամեն ինչ պայմանավորված: Ցանկացած բան, ինչ օգուտ կբերի, ԲՀԿ-ի հնարավորությունների սահմաններում միշտ էլ արել են, անում են, անելու են: