Հայտնաբերվել է «Օմիկրոն» շտամի նոր ախտանիշ

Բրիտանացի փորձագետները հայտնաբերել են կորոնավիրուսի «Օմիկրոն» շտամի նոր ախտանիշ, որը կապված է ականջի վնասման հետ: Այս մասին հայտնում է The Sun թերթը՝ վկայակոչելով ZOE COVID-ի ախտանշանների լայնածավալ ուսումնասիրության տվյալները, որը հավելվածի տեսքով հետևում է COVID-19-ի ախտանշաններին։

Նշվում է, որ վարակի ամենահաճախ հանդիպող ախտանիշները շարունակում են մնալ քթարտադրությունը, գլխացավը, հոգնածությունը, հոտի կորուստը և ախորժակի կորուստը:

Այնուամենայնիվ, ականջի ցավն ավելացվել է 20 նշանների ցանկին՝ որպես ընդհանուր ախտանիշ այն մարդկանց համար, ովքեր փորձարկում են անցել կորոնավիրուսի «Օմիկրոն» տարբերակի համար:

«Եթե նկատում եք լսողության կորուստ, գլխապտույտ կամ ականջներում զնգոց, մի անտեսեք դրանք: Թեստ հանձնեք: Մեր որոշ հիվանդների համար լսողության կորուստը COVID վարակի միակ նշանն էր»,- ասում է բժիշկ Կոնստանտին Ստանկովիչը Սթենֆորդի համալսարանից: