«Պատիվ ունեմ»-ը միանում է «Հայաստանի» պահանջին՝ ապահովել կալանավորված պատգամավորների ներկայությունը

«Պատիվ ունեմ» դաշինքի քարտուղար Հայկ Մամիջանյանն այսօր՝ ԱԺ ութերորդ գումարման անդրանիկ նիստում վարման կարգով հայտարարեց, որ իրենք միանում են «Հայաստան» դաշինքի պահանջին՝ ապահովել կալանավորված պատգամավորներ Մխիթար Զաքարյանի և Արթուր Սարգսյանի ներկայությունն ԱԺ-ում։

«Ես բացարձակ արդարություն չեմ ակնկալում այս իշխանությունից, բայց ցանկանում եմ ելույթ ունենալ։ Մեր դաշինքը կարևորում է, որ հանկարծ հավասարության նշան չդրվի այն ազգընտիրների միջև, որոնք իրենց կամքով չեն եկել անդրանիկ նիստին և նրանց միջև, որոնք պատանդի կարգավիճակ ունեն»,- ասաց նա։