Եվրախորհրդի ղեկավարը ողջունել է Իսրայելի և «ՀԱՄԱՍ»-ի միջև հրադադարի հաստատումը. «Tert.am»

May 21, 2021
1 min read

«Ողջունում եմ Իսրայելի և «ՀԱՄԱՍ»-ի միջև կրակը դադարեցնելու վերաբերյալ համաձայնությունը, որը վերջ կդնի 11-օրյա հակամարտությանը»,- թվիթերյան իր միկրոբլոգում գրել է Միշելը:

Եվրախորհրդի ղեկավարը նշել է, որ այս հնարավորությունն անհրաժեշտ է օգտագործել խաղաղություն հաստատելու և քաղաքացիների անվտանգությունն ապահովելու նպատակով:

Իսրայելա-պաղեստինյան հակամարտության գոտում հրադադարի հաստատումը ողջունել են նաև Միացյալ Նահանգների նախագահ Ջո Բայդենը, ՄԱԿ-ի գլխավոր քարտուղար Անտոնիո Գուտերեշը:

Իսրայելի ռազմաքաղաքական ղեկավարությունը մայիսի 20-ի երեկոյան հավանություն էր տվել պաղեստինյան «ՀԱՄԱՍ» խմբավորման հետ հրադադարի հաստատմանը, որի մասին տեղեկություն էր տարածվել վարչապետ Նեթանյահուի աշխատակազմից: Պաղեստինյան «ՀԱՄԱՍ»-ը համաձայնություն է տվել Կահիրեի միջնորդությամբ հրադադարի հաստատմանը: