ՔՊ-ականները խմբագրել կամ հեռացրել են ադրբեջանցիների հրապարակած տեսանյութի մասին իրենց գրառումները

May 19, 2021
1 min read

Ինչպես արդեն հայտնել ենք, այսօր ադրբեջանական կողմը ադրբեջանցի և հայ զինվորականների մասնակցությամբ կադրեր էր հրապարակել։ ՀՀ պաշտպանության նախարարությունը ժամեր տևած լռությունից հետո պարզաբանում ներկայացրեց՝ հայտնելով, որ տեսանյութն ուսումնասիրվում է և այն առնչություն չունի Սյունիքի և Գեղարքունիքի վերջին դեպքերի հետ։

ՊՆ-ի հրապարակումն ակտիվորեն տարածեցին մի շարք իմքայլականներ՝ լրատվամիջոցների անդրադարձերը որակելով ապատեղեկատվություն և տեղեկատվական աղբ։

Սակայն ավելի ուշ, երբ ՊՆ-ից հաստատեցին լուրը՝ հայտնելով, որ դեպքը տեղի է ունեցել 2021 թ․ մայիսի 17-ին հայ-ադրբեջանական սահմանի արևելյան հատվածում, ԱԺ փոխխոսնակ Ալեն Սիմոնյանը խմբագրեց գրառումը և ավելացրեց ՊՆ նոր հաղորդագրությունը, իսկ հայտնի ՊՈԱԿ-ի նախկին տնօրեն, ներկայում վարչապետի աշխատակազմի ղեկավարի տեղակալ Տարոն Չախոյանը հեռացրեց գրառումը։

Ստորև ներկայացնում ենք նրանց գրառումները: