ՌԴ-ում ՀՀ դեսպանությունը հայտարարություն է տարածել

May 7, 2021
1 min read

Ռուսաստանի Դաշնությունում Հայաստանի դեսպանությունը հայտարարություն է տարածել Յարոսլավլի շրջանում հայկական գերեզմանատան նկատմամբ կատարված վանդալիզմի դեպքի կապակցությամբ:

«Ստացված տեղեկատվության համաձայն, Յարոսլավլի մարզի Յարոսլավլի շրջանի Կուրբա գյուղում անհայտ անձինք վանդալիզմի են ենթարկել հայկական գերեզմանատան տարածքում գտնվող գերեզմանաքարերը:

Արդյունքում վնասվել է մոտ 50 գերեզմանաքար: Մենք դատապարտում ենք Կուրբա գյուղի հայկական գերեզմանատան տարածքում գտնվող գերեզմանաքարերի նկատմամբ վանդալիզմի գործողությունը: Մենք կարծում ենք, որ այս հստակ սադրիչ գործողությունը ոտնձգություն է հոգևոր արժեքների նկատմամբ և կարող է հանգեցնել տարբեր հետևանքների, ինչպես նաև բացասաբար ազդել ազգամիջյան հարաբերությունների վրա»:

Դեսպանատունը վստահություն է հայտնել, որ Յարոսլավլի մարզի իրավապահ մարմինները հնարավորինս արագ կձեռնարկեն բոլոր անհրաժեշտ քայլերը հանցագործներին պատասխանատվության ենթարկելու համար:

«Նման գործողությունները պետք է համապատասխան կերպով դատապարտվեն, որպեսզի խուսափեն դրանց կրկնությունից», - ասացին Ռուսաստանի Դաշնությունում Հայաստանի դեսպանությունից: