Անողնաշար իշխանություններն արդեն համաձայն են խաղալ ադրբեջանցիների անմարդկային կանոններով. Աբովյան

ԱԺ «Բարգավաճ Հայաստան» խմբակցության պատգամավոր Արման Աբովյանն իր ֆեյսբուքյան էջում գրառում է կատարել.

«Մեր գերեվարված եղբայրների վերադարձի մասով կարող եմ ասել միայն երկու բան։ Փառք Աստծո, որ մեր տղերքը վերադառնում են և դա, իհարկե, կարևորագույն իրադարձություն է։

Ահավոր խայտառակություն է և լկտի անբարտավանություն, որ մեր գերի տղերքը դարձել են առևտրի առարկա, երբ մեր տղերքին փրկելու համար էս իշխանությունները հանձնում են թուրք վիժվածքներին մեր պետական շահերը՝ որպես վարձավճար։

Հաստատ համոզված եմ, որ ադրբեջանցիները իրենց համար հարմար պահին կրկին կփորձեն գերեվարել ՀՀ քաղաքացիներին, քանզի անողնաշար հայաստանյան իշխանություններն արդեն համաձայն են խաղալ ադրբեջանցիների անմարդկային կանոններով»։