Ռուսաստանում կորոնավիրուսով վարակվածների ընդհանուր թիվը

Ռուսաստանում կորոնավիրուսով վարակվելու հաստատված դեպքերի թիվը մեկ օրում ավելացել է 29 929-ով: Այդ ցուցանիշը հոկտեմբերից ի վեր առաջին անգամ 30 հազարից ցածր է, հաղորդում է ТАСС-ը:

Վարակվածների ընդհանուր թիվը հասել է 10 016 896-ի՝ ըստ կիրակի նոր հիվանդությունների դեմ պայքարի դաշնային օպերատիվ շտաբի հրապարակած տվյալների:

Համեմատական արտահայտմամբ՝ նոր դեպքերի աճը կազմել է 0,3 տոկոս: Ներկայում Ռուսաստանում շարունակում է բուժվել 986 058 մարդ:

Կորոնավիրուսից ապաքինված ռուսաստանցիների թիվը մեկ օրում հասել է 31 391-ի: Ընդամենն առողջացել է 8 741 355 մարդ: Դուրս գրված պացիենտների թիվը, շտաբի տվյալներով, աճել է՝ հասնելով վարակվածների ընդհանուր թվի 87,3 տոկոսի:

Ռուսաստանում կորոնավիրուսի հետեւանքով մահվան դեպքերի թիվը մեկ օրում ավելացել է 1 132-ով, իսկ նախորդ օրը կազմել է 1 171: Համավարակի ամբողջ ընթացքում մահացել է 289 483 պացիենտ:

Հիվանդության պայմանական մահացությունը (վերջնականը կարելի է պարզել միայն համավարակի ավարտից հետո) կազմել է 2,89 տոկոս՝ շտաբի տվյալների համաձայն: