Մեղրին երբեք չի դարձել քննարկման առարկա, սև PR է․ Ռոբերտ Քոչարյան
- Jun 5, 2021
- 1 min read
Մեղրիի փոխանակման առաջարկն արել է Ալիևը, և դա պաշտոնական առաջարկ չի դարձել։ Այդ մասին Քանաքեռ- Զեյթուն վարչական շրջանում համակիրների հետ հանդիպմանն ասել է ՀՀ երկրորդ նախագահ Ռոբերտ Քոչարյանը։ Նրա խոսքով՝ իր պատասխանն այդ առաջարկին եղել է այն, որ Իրանի հետ սահմանը մենք չենք կարող կորցնել։
Ալիևը փորձել է ԱՄՆ-ի պատվիրակության միջոցով հասնել իր ուզածին, իսկ Ռուսաստանը միանշանակ չի վերաբերել այդ հարցին։
«ԵԱՀԿ ՄԽ-ի շրջանակներում այս առաջարկը քննարկման առարկա չի դարձել»,- ասել է Ռոբերտ Քոչարյանը։
Նրա խոսքով՝ դա փորձում են կապել հոկտեմբերի 27-ի հետ, որպեսզի իր նկատմամբ սև PR անեն։
«Եթե Վազգեն Սարգսյանն ու Կարեն Դեմիրճյանը դեմ էին, ապա իրենց սպանվելուց հետո փաստաթուղթը չպետք է կորչեր, և առաջարկը պետք է իրագործվեր»,- նշեց Ռոբերտ Քոչարյանը։
ՀՀ երկրորդ նախագահը պնդեց նաև, որ Անվտանգության խորհրդի նիստում այդ հարցը երբեք չի քննարկվել։
コメント