Հայ լինելու համար շատ քիչ է ունենալ հայկական ծագում կամ ազգանվան «յան» վերջավորություն. Հասրաթյան

Արցախի պաշտպանության բանակի մամուլի նախկին խոսնակ Սենոր Հասրաթյանն իր ֆեյսբուքյան էջում գրել է.

«Հեռուստաէկրաններից, սոցիալական ցանցերից և, ընդհարապես, մեր քաղաքացիներից շատ-շատերի հետ տեղի ունեցող ամենօրյա անմիջական շփումներից լսում եմ տեսակետներ, որոնց արդյունքում նորից ու կրկին համոզվում եմ, որ հայ լինելու համար շատ քիչ է ունենալ հայկական ծագում կամ ազգանվան «յան» վերջավորություն:

Շատ հետաքրքիր է հասկանալ, ի՞նչ է զգում այն հայը, ով լինելով Հայոց նորագույն պատմության վերջին երեսուն տարիների ընթացքում ունեցած մեր ազգային ձեռքբերումների ժամանակակիցն ու կերտողը, այսօր հայտնվել է մի վիճակում, երբ անզոր է փրկել այն, ինչով տարիներ շարունակ հպարտանում ու նաև իմաստալից էր համարում իր ապրած կյանքը»: