Նիկոլ Փաշինյանը վախենում էր բանակից և դրա համար արեց ամեն ինչ այն քանդելու համար․ Սերժ Սարգսյան
- Jun 4, 2021
- 1 min read
Այսօր ՀՀԿ կենտրոնակայանում կուսակցության նախագահ, ՀՀ երրորդ նախագահ Սերժ Սարգսյանը ընդունել է ՀՀ-ում Նիդերլանդների Թագավորության արտակարգ և լիազոր դեսպան Նիկոլաս Սխերմերսին: Այս մասին տեղեկանում ենք ՀՀ երրորդ նախագահի գրասենյակի ֆեյսբուքյան էջից։
Նշվում է, որ դեսպանի խնդրանքով Սերժ Սարգսյանը հանգամանորեն ներկայացրել է «Պատիվ ունեմ» դաշինքի նախընտրական ծրագրի հիմնական ուղղությունները։
«Նախագահն անդրադարձ է կատարել նաև Հայաստանում և տարածաշրջանում ստեղծված իրավիճակին, Հայաստան-ԵՄ հարաբերությունների ներկայիս խնդիրներին, Արցախյան վերջին պատերազմի ժամանակ միջազգային հանրության վերաբերմունքին, պոպուլիստական կառավարության գործունեության արդյունքում մեր երկրում առաջացած ճգնաժամային իրավիճակին»,- ասված է տարածված հաղորդագրությունում։
Ընդգծվում է նաև, որ ոակելով միջազգային ինստիտուտների արձագանքները 44-օրյա պատերազմին որպես «իներտ», ՀՀԿ ղեկավարը շեշտել է.
«Այսքանից հետո ես իմ ժողովրդին ինչպե՞ս բացատրեմ, որ միջազգային կառույցների կարծիքը պետք է հարգել»։
Խոսելով, մասնավորապես, հայկական բանակում 2018-ից հետո առաջացած խնդիրների մասին՝ նախագահ Սարգսյանը նաև ընդգծել է․
«Նա (Նիկոլ Փաշինյանը) վախենում էր բանակից և դրա համար արեց ամեն ինչ այն քանդելու համար»։
Comments