Նիկոլ Փաշինյանի հայտարարությունը Սևանա լճի մասին․ «Հրապարակ»

May 10, 2021
1 min read

Նիկոլ Փաշինյանն այսօր իր «չընտրության» հերթական նիստին խոսելով ինչ-որ անհասկանալի դրական ցուցանիշներից, որոնք փորձում էր թերևս հակադրել Արցախը հանձնելու, կապիտուլյացիոն փաստաթուղթ ստորագրելու և հազարավոր զոհերի փաստին, իր խոսքերով, սենսացիոն նորության մասին հայտնեց:

«Մեզ սպասվում է առաջիկայում մեր ժամանակների ամենասենսացիոն նորությունը` 2021 թ. հունիս-հուլիսին Սևանա լճի մակարդակը կլինի ամենաբարձրը վերջին 60 տարվա ընթացքում»,-ասաց նա:

Հետո սկսեց ինքն իրեն հեգնել, թե կասեն՝ այս կառավարությունը տապալել է կառավարման ոլորտները:

Նա նույնիսկ ձկնորսների կյանքում է գրեթե սենսացիոն փոփոխություններ իրականացրել:

Պարզվում է` Սևանա լճի ձկնորսները առաջին անգամ ձուկը որսում եմ կառավարության հետ համագործակցության, ոչ թե հակադրության պայմաններում: Հիրավի, հեղափոխական փոփոխություններ, հատկապես Արցախը հանձնելու և հազարավոր զոհերի ֆոնին: