Սևանա լճի մակարդակը նվազել է

2021 թվականի հոկտեմբերի 20-ի դրությամբ Սևանա լճի մակարդակը 10 սանտիմետրով պակաս է մնում 2020 թվականի նույն օրը գրանցված նիշից։

ՀՀ ԱԻՆ «Հայհիդրոմետ» ծառայության փոխանցմամբ, 2021 թվականի հոկտեմբերի 20-ին Սևանա լիճը ծովի մակերեւույթից գտնվել է 1900 մետր 52 սանտիմետր բարձրության վրա՝ նախորդ տարվա նույն օրը գրանցված 1900 մետր 62 սանտիմետր նիշի դիմաց։

Սևանա լճից ոռոգման նպատակներով լրացուցիչ ջրառ կատարելու մասին ՀՀ կառավարության որոշմամբ սահմանված լրացուցիչ 75 միլիոն խմ ծավալի դիմաց ջրառ կատարվել է 57 մմլն 651 հազար խմ-ի չափով։