Նազարյանի «իդիոտկան», ընդդիմադիրների «կապիտուլյանտն ու հողատուն» քրեականացվելո՞ւ են․ Հովսեփյան

Անկախ պատգամավոր Սոֆյա Հովսեփյանն այսօր ԱԺ արտահերթ նիստին հարցրեց, թե ԱԺ փոխխոսնակ Լենա Նազարյանի հնչեցրած «իդիոտկա» բառը կամ ընդդիմադիրների «հողատու», «կապիտուլյանտ» արտահայտությունները ևս քրեականացվելո՞ւ են։

Նրա խոսքով՝ նախկին իշխանությունները բավականին կոշտ գնահատականներ են հնչեցրել, երբ եղել են քաղհասարակության անդամ։

«Ինձ հետաքրքիր է՝ ինչպե՞ս են կանխվելու իշխանությունների հասցեին հնչեցվող «հողատու», «դավաճան» բառերը»,- հարցրեց նա։

Նշենք, որ խորհրդարանը քննարկում է «ՀՀ քրեական օրենսգրքում» լրացում կատարելու մասին և կից ներկայացված օրենքների նախագծերի փաթեթը, որով առաջարկվում է քրեականացնել հայհոյանքը։

Մանրամասները՝ տեսանյութում։