Շարունակելու ենք իրերն իրենց անուններով կոչել և գործածել «կապիտուլյանտ» բառը․ Սոս Հակոբյան

«Պատիվ ունեմ» դաշինքի ներկայացուցիչ Սոս Հակոբյանն այսօր ասուլիսի ընթացքում հայտարարեց, որ որոշ ԶԼՄ-ներ փորձում են լռեցնել կամ սահմանափակել իրենց խոսքը, քանի որ օգտագործում են «կապիտուլյանտ» բառը։

Նրա խոսքով՝ այդուամենայնիվ, շարունակելու են իրերն իրենց անուններով կոչել։

«Մենք դա անելու ենք, քանի որ նա արժանի է»,- նշեց նա։

Սոս Հակոբյանը նկատեց, որ դաշինքը դեռ մեկ-երկու այց ունի դեպի մարզեր, իսկ քարոզարշավը կամփոփեն երկու օրից։ Նա խոստացավ, որ քարոզարշավի ամփոփումը կրեատիվ է լինելու՝ ինչպես բնորոշ է դաշինքին։