«Մի քիչ հող այստեղից են տալիս, մի քիչ՝ այնտեղից»․ սյունեցի․ «Tert.am»

«Մի քիչ հող այստեղից են տալիս, մի քիչ՝ այնտեղից, չգիտենք՝ մեր Կառավարությունն ինչ գործի է: Այս մասին Tert.am-ի հետ զրույցում ասաց Խնձորեսկի բնակիչ Մաքսիմ Առուշանյանը՝ խոսելով Սյունիքում առաջացած խնդիրների մասին:

«Լրիվ շրջափակված ենք, էլ ի՞նչ է մնացել այստեղ: Բանակցություններից այն ակնկալիքն ունեինք, որ մերոնք դրանց հետ պիտի շպրտեին, մեր հողերն էլ մեզ պիտի մնան: Պիտի մեր Կառավարությունը մտածի, որ մեր հողերը պահի, քանի օր է՝ բանակցություններ են գնում, բայց ոչ մի արդյունք էլ չկա»,-ասաց նա:

Բնակչի խոսքով՝ Կառավարության ուշադրության տակ այլ հարցեր են, սակայն ըստ նրա՝ առաջին հերթին պետք է բանակը լինի ուշադրության կենտրոնում:

«Մարդիկ հողերում քնում են, պոստերում կանգնում են, բայց փետրվարի աշխատավարձները դեռ չեն ստացել՝ իմ իմանալով: Սև լճի մի հատվածը իրենց են տվել, ինչքան գիտենք: Ժողովուրդը մոլորության մեջ է, չենք հասկանում, սրանք խոսում են նախկիններից, բայց իրենց արածները չեն տեսնում, ի՞նչ են անում»,-ասաց նա և հավելեց, որ այս պահին գյուղացին վտանգված է, որովհետև որևէ հստակ բան չի անում Կառավարությունը: