Բերդի տարածաշրջանի հրետակոծության հետևանքներն ուսումնասիրող աշխատանքային խումբ կստեղծվի

Տավուշի մարզպետ Հայկ Ղալումյանը սեպտեմբերի 14-ին նոր որոշում է ստորագրել, որում ասվում է.

«1. Բերդի տարածաշրջանի հրետակոծության հետևանքների վերականգնողական աշխատանքների հետ կապված հարցերն ուսումնասիրելու նպատակով ստեղծել աշխատանքային խումբ՝ հետևյալ կազմով.

Խմբի ղեկավար՝

Միսակ Մելքումյան-Տավուշի մարզպետարանի քաղաքաշինության վարչության պետի պարտականությունները կատարող

Անդամներ՝

Աշոտ Ծորմուտյան- ՀՀ տարածքային կառավարման և ենթակառուցվածքների նախարարության վարչական վերահսկողության վարչության վարչական վերահսկողության իրականացման բաժնի գլխավոր մասնագետ

Արկադի Բոյաջյան-ՀՀ քաղաքաշինության կոմիտեի շինարարության գիտատեխնիկական նորմավորման վարչության գիտատեխնիկական քաղաքականության բաժնի պետ

Ռուբեն Պետրոսյան-Տավուշի մարզպետարանի քաղաքաշինության վարչության տրանսպորտի և ճանապարհաշինության բաժնի ավագ մասնագետ

Արմեն Ճաղարյան-Տավուշի մարզպետարանի քաղաքաշինության վարչության ավագ մասնագետ

2. Հանձնարարել աշխատանքային խմբին՝

Սեպտեմբերի 15-ից 17-ը ուսումնասիրել Բերդի տարածաշրջանի հրետակոծության հետևանքների վերականգնողական աշխատանքների հետ կապված հարցերը, բողոքները, զեկուցել ինձ և սահմանված ժամկետում տեղեկատվություն ներկայացնել ՀՀ տարածքային կառավարման և ենթակառուցվածքների նախարարություն»: