«Ադրբեջանը կարողանում է ՀՀ տարածքում Հայաստանին իր խաղի կանոնները թելադրել». Տիգրան Աբրահամյան

Ռազմական փորձագետ Տիգրան Աբրահամյանն իր ֆեյսբուքյան էջում գրառում է կատարել, որում անդրադարձել է ՊՆ-ի վերջին օրերին արված պաշտոնական հաղորդագրություններին:

«ՊՆ-ն իր պաշտոնական հաղորդագրություններում անընդհատ «հիշեցնում» է, որ հայկական զինված ուժերի ստորաբաժանումները լիարժեք վերահսկում են իրադրությունը` շարունակելով արգելափակված պահել ադրբեջանցի զինվորականներին»,- գրել է նա։

Ռազմական փորձագետը խոսել է նաև այն մասին, որ եթե Ադրբեջանը կարողանում է ՀՀ տարածքում իր զորքերի ներկայությունն օգտագործել և Հայաստանին իր խաղի կանոնները թելադրել՝ զիջումների կամ մեկ այլ տեսքով, ապա ՊՆ-ի հայտարարությունը ընդհանուր իրավիճակում եղանակ չի փոխում։

«Ադրբեջանի ագրեսիան ունի կոնկրետ նպատակներ և նրան՝ նվազագույնը մեր տարածքում, պետք է զրկել դիվանագիտական գործընթացների վրա ազդելու հնարավորությունից, հակառակ դեպքում ժամանակն աշխատում է նրանց օգտին ու դա նրանք օգտագործել/օգտագործելու են գործընթացում իրենց դիրքերի ամրապնդման և կոշտացման համար»,- ասել է Աբրահամյանը։