Անլրջության պայմաններում մեր օրը սկսվում և ավարտվում է սահմանային միջադեպերի սպասումով․ Աբրահամյան

«Պատիվ ունեմ» խմբակցության պատգամավոր Տիգրան Աբրահամյանն իր ֆեյսբուքյան էջում գրել է.

«Երեկվանից ողջ գիշեր Մարդու իրավունքների պաշտպանից, տարբեր գործիչներից սկսած մինչև ֆեյսբուքյան օգտատերեր, ահազանգում էին Գորիս-Կապան ճանապարհի մի քանի հատվածներում ստեղծված իրավիճակի մասին ու միայն այսօր առավոտյան թեմային արձագանքող ԱԱԾ-ն կոչ է անում հետևել պաշտոնական լրահոսին։

Օպերատիվ տեղեկատվական արձագանքի բացակայության, իշխանության՝ անվտանգության հարցերի վերաբերյալ ունեցած անլուրջ վերաբերմունքի պայմաններում էլ մեր քաղաքացիների օրը սկսվում և ավարտվում է նոր սահմանային միջադեպերի սպասումներով»։